侠医｜江欣燕演“毒舌贵妇” 自揭坚守关菊英恶毒奸人演绎必胜法

摘要：获网民点讚具体而又贴地地描写了人性黑暗面的《侠医》，绝对可以“衰人当道”形容，除了机心抢生意地产女阿Nat（刘佩玥饰）、咸湿衰格上司司徒信（林溥来饰），还有丁子朗、郑子诚及江欣燕“三父子”组成的“坏蛋三人组”，佢哋一个“智慧型奸仔”、一个“好色懦弱型奸佬”，而

侠医｜江欣燕演“毒舌贵妇”入型入格！自揭坚守关菊英恶毒奸人演绎必胜法：啲对白要熟到畀火辣都唔甩

获网民点讚具体而又贴地地描写了人性黑暗面的《侠医》，绝对可以“衰人当道”形容，除了机心抢生意地产女阿Nat（刘佩玥饰）、咸湿衰格上司司徒信（林溥来饰），还有丁子朗、郑子诚及江欣燕“三父子”组成的“坏蛋三人组”，佢哋一个“智慧型奸仔”、一个“好色懦弱型奸佬”，而欣欣则係“毒舌衰贵妇”，位位都入型入格，吸获不少网民关注，当中欣欣更获封“Mean精天花板”！

欣欣在《侠医》中饰演嚣张、狗眼看人低、使人同闹人都唔使本的有钱濶太甘雁凤，每次开口唔係闹人寸人，就係以极不耐烦tone吩咐人办事：“快啲攞嚟啦”、“攞对鞋入厕所吹乾佢！”欣欣在头三集虽然出场不多，但每次现身都很精准，声线气场够晒霸气之馀，刻薄金句亦是多不胜数。以欣欣出场一幕为例，由于张曦雯饰演的地产经纪Rachel迟大到，等到发晒火的欣欣一轮嘴连珠炮发：“你捨得嚟喇咩？你当我哋咩人，你知唔知我等咗你几耐？人做地产、你做地产，你冇时间观念架？你冇錶架咩？”、“叻你就唔使做地产妹啦”、“佣你就识收，嘢你唔使做呀？”

而在第二集与陈豪一家的同枱食饭戏，欣欣则完美演绎了“藐嘴藐舌”教科书级表情，每次只要陈豪发表仁义道德理论，欣欣不是阴阴嘴耻笑、就是毫不留情地反白眼；面对马贯东的帮口，欣欣更是零客气一嘢喝埋去：“呢度几时轮到你出声？”、“做咩，你唔够讲发烂渣呀”、“我走先喇，呢度留番姓邓嗰啲慢慢倾啦！”尖酸嘴面令人见到都激气。

欣欣接受tvb.com访问时，笑言有份捧场的江妈妈，亦直接欣欣“好乞人憎”：“我妈妈係无綫忠实fans嚟，我梗係问佢意见啦，佢就话我‘好乞人憎！似你平时啲衰样。’其实嗰场戏我係谂住做衰啲嘅，但冇谂过咁衰。”欣欣续指该场食饭戏其实是她首日开工拍摄的，《侠医》亦是她首度挑战奸角，难免担心拿捏不准确、演绎过火，故拍摄时十分紧张：“做好夸张，我好叻嘅，但都惊过火，加上第一日开工…所以我一接到剧本后日日都问监制April，使唔使减啲（嘴面）？好大压力。”

欣欣续指拍摄时因时间紧逼要“飞纸仔”，变相一边开工、一边背诵“未来对白”变成她的日常：“飞纸仔其实唔掂架，因为我好多时成版几嘅对白都係我一个人讲晒，又要讲得快，点算吖？！嗰时个个都觉得我癫，有日子诚问我：‘你背紧咩’，我话背紧后日嘅对白，佢话：‘吓？今日都未搞掂喎’，我就话我后日要闹人、仲要一轮嘴好顺咁，所以唔背定唔掂，嗰时又要应付即日对白、又要背埋之后嘅对白，都几精神分裂。”欣欣又谓即使有些场口会自己因应当时气氛及情绪心血来潮爆肚，但基础依然是必须将剧本背到滚瓜烂熟：“唔可以作架嘛，唔係吓吓作得切咁快，我作到一个shot、作唔到十个摆位。

不过有时都会有神来之笔，好似睇楼嗰场，因为子诚迟迟都未接对白，咁我唯有一轮嘴係咁闹落去，但我平时真人绝对唔係咁，好少闹人，但嗰排为咗投入角色，见人就闹，我係好入戏嘅人。”

欣欣还提到当年如何向“恶女始祖”关菊英请教兼偷师：“又阴毒又乞人憎，我心目中首选係关菊英《溏心风暴》入面嘅角色。我记得播《溏心》嗰阵，我拍紧《同事三分亲》，我喺停车场见到菊姐，因为拍《欢乐今宵》识，我就问菊姐点样做得咁好。佢就话一定要好熟啲对白，要行又睇、食又睇、去街都要谂住谂住，讲到佢顺晒为止，畀火辣都唔甩（啲对白），咁就掂喇。因为熟晒啲对白，就变咗点做都得，我自己会熟埋人哋嗰啲对白，一来知道咩时候要接，二来人哋一时漏咗仲可以温提埋对方。我以前拍过电影，电影唔係成堆人喺晒度拍架，一个人一日要拍好多场架，唔熟剧本点做到。”虽然要不断背剧本，但敬业乐业的欣欣，依然享受做演员：“要抱住玩嘅心情去演戏，唔好有压力，演员係一个好玩嘅行业。”