摘要：撑粤语，一定要去看黄子华同郑秀文嘅贺岁喜剧《夜王》！名嘴真係名不虚传。以前可以令大家笑到停唔落嚟嘅港片，除咗星爷，真係冇几多套可以做到。

撑粤语，一定要去看黄子华同郑秀文嘅贺岁喜剧《夜王》！名嘴真係名不虚传。以前可以令大家笑到停唔落嚟嘅港片，除咗星爷，真係冇几多套可以做到。

年初四去咗睇港版粤语《夜王》，黄子华演欢哥，郑秀文演V姐，两个人对手戏简直神仙打架，睇得好过瘾。

2026年第一次见影院咁多人一齐睇戏，前几日睇《飞驰人生3》先得唔够十个人，对比真係好明显。

套戏以夜场做背景，但唔会大尺度，喜剧、爱情、商战都有，最难得係氛围好暖，唔系你想象中咁乱。

听过一句讲法：一个城市兴唔兴旺，一睇的士忙唔忙，二就睇夜场。

夜场其实就係城市嘅一个缩影，经济、人情、冷暖，全部都睇得到。夜场好似一个小江湖，见尽人生百态，无论係入面做嘢嘅人，定係嚟玩嘅客人，都喺时代度浮浮沉沉。

呢两年大家真係过得唔容易，口罩之后，每个人都捱得好辛苦。

套戏一开头就讲：「世道艰难，我哋照行。」真係好香港精神，亦都治愈紧依家经济唔好嘅我哋。

睇完真係感受到，就算世界再难，每个人都喺咬紧牙关认真生活。

跌入低谷唔紧要，最紧要係做好手头上每一件事。

好似黄子华片尾讲：「青山依旧，绿水长流，我哋陪你东山再起。」

我最欣赏欢哥呢个角色：讲义气，唔认输，唔抱怨，几难都笑住解决问题。

简直就係我哋最强嘴替同埋心理委员。

郑秀文演嘅V姐气场亦都好足，型到爆。

最正係黄子华将栋笃笑嘅语言魅力完全融入角色，想学粤语嘅朋友真係要睇佢呢段绕口令，简直可以直接纳入粤语十级考题：

「你并不是在意佢在唔在意我，

你更加在意我在唔在意佢多啲。

我唔在意你，你都在意佢㗎啦。

你咁在意我在唔在意佢呢，就唔应该话俾我听佢好在意我，因为我宜家知道佢咁在意我，可能我就会咁样开始在意佢。

咁你仲在唔在意我啊？

你仲系度在意我在唔在意佢在意，其实你在意，因为佢在意，搞到我明明唔在意，家阵都好在意！」

顺便记低几句金句：

只要需要娱乐，我哋一直都在。

开心，好紧要。

最重要係义气。

做人要讲仁义。

来源：辟谣能量号