摘要：《侠医》（2025）昨晚一集，客串露宿者一角是“绿叶王”之称的戴耀明在，与陈豪及张曦雯有对手戏。剧情讲述张曦雯因工作关係前往一栋废置了的旧式大厦，由于屋内灯光欠奉、加上环境混乱、铺满尘埃，有股莫名阴森感。

侠医｜戴耀明客串露宿者造型劲抢 逼真至臭气冲天！为突显苍老感刻意通顶唔瞓誓要鼓出眼袋劲专业

《侠医》（2025）昨晚一集，客串露宿者一角是“绿叶王”之称的戴耀明在，与陈豪及张曦雯有对手戏。剧情讲述张曦雯因工作关係前往一栋废置了的旧式大厦，由于屋内灯光欠奉、加上环境混乱、铺满尘埃，有股莫名阴森感。

就在张曦雯最紧张之际，戴耀明饰演的露宿者忽然弹出兼捉住张曦文小腿唔放，吓到张曦雯再度“扑头党”上身…幸好陈豪及时赶到阻止血案，并为突然昏迷的戴耀明急救，并给了戴耀明数百元解困。

虽然戴耀明的客串场口只有两分钟，但剧组依然花了不少心思为其设计及打造特别造型！

据知，戴耀明的露宿者装扮是刻意向电影《乾柴烈火》中的张达明造型致敬，戴耀明接受tvb.com访问时，坦言化妆同道具同事每个细节位都做到足，展现了tvb幕后团队特有的专业：“化妆同事好认真，因为佢哋觉得流浪汉应该唔剃鬚嘅、所以啲鬚应该长长短短咁，所以‘渗’咗好多碎鬚落我鼻哥下面同埋条颈上面。鼻哥下面啲碎鬚搞到我好痛苦，因为keep住好鬼痕，但又唔搲得，因为一搲就甩，真係痕咗成晚架，嗰一晚真係都几难忘。”

戴耀明续指身上的水樽也像真度甚高，皆因够臭，他说：“我身上面有廿几个樽架嘛，里面除咗真係有污水，估唔到仲真係有阵臭味惨出嚟，道具部嘅同事好劲，连味道都可以做到出嚟，令到我更易投入。”

戴耀明又笑言自己虽然一把年纪，但由于偏向皮光肉滑，故此开拍前一晚专登通顶唔瞓“搞残自己”去配合角色：“除咗要靠化妆显老，我特登之前一晚唔瞓去搞残自己，都叫谷到个眼袋出嚟。”

戴耀明又大讚陈豪按摩手势好：“佢帮我按摩真係几舒服，因为我嗰晚之前通咗顶本身好攰，但陈豪帮我按一按啫，即刻好似按中咗我啲穴位，搞到我即刻个人好似精神番同醒番，佢真係按得好到位。”

又谓最难忘场口，是要用力捉住张曦雯的小腿，但由于拍摄时太投入，一度忘记放手，令他事后大感尴尬：“我投入到打灯同度机位时忘记要放手，变相揸咗张曦雯隻脚好耐，好彩佢都好大方，有话我，我自己就有啲唔好意思。”他又笑言，张曦雯看到他的髮型时，笑言二人撞髮型，相当搞笑。

来源：热剧先锋官